Owgan paýtagty Kabulda we gündogar welaýat Nangarharda bolan aýry-aýry hadyslarda azyndan iki adam öldi, on adam ýaralandy diýip, resmiler 2-nji dekabrda habar berdiler.
Jelalabatdaky Tele-radio stansiýanyň golaýynda bolan üç tapgyr partlamada owgan howpsuzlyk güýçleriniň iki agzasy öldürildi, altysy ýaralandy diýip, Nangarhar welaýatynyň gubernatorynyň sözçüsi Attaullah Khugyani aýtdy.
Ilkinji partlama rikşa berkidilen magnit bombasy sebäp boldy. Beýleki iki partlamanyň sebäpleri heniz aýdyň däl.
Adynyň aýdylmazlygyny soran polisiýa ofiseri partlamalaryň biriniň howpsuzlyk güýçlerini nyşana alyp, bir polis ofiserini öldürendigini, üçüsini ýaralandygyny aýtdy.
Kabulda owgan goşunyna esgerlige çagyrýan ýazgynyň golaýynda partlan magnit bombasy dört sany asuda adamy ýaralady.