Merkezi Kiýewde ýüzlerçe adam Ukrainanyň oppozision syýasatçysy we ozalky gürji prezidenti Mihail Saakaşwiliniň ikinji gezek tussag edilmegine protest bildirýär.
Saakaşwiliniň aklawçysy 9-njy dekabrda žurnalistlere öz müşderisiniň açlyk yglan edendigini aýtdy. Aklawçy Ruslan Çornolutskiý (Chornolutskiy) Saakaşwiliniň goldawçylaryny Kiýewde 10-njy dekabrda prezident Petro Poroşenkonyň impiçment edilmegi üçin proteste çagyrýan hatyny ýaýratdy.
Baş prokuraturanyň sözçüsi 9-njy dekabrda prokurorlaryň Saakaşwilini suda çenli elektronik gözegçiligi astynda öý tussaglygyna geçirmegi sorandyklaryny aýtdy.
Ukrain resmileri Saakaşwilini hamala ozalky prezident Wiktor Ýanukowiçiň ýolbaşçylygyndaky “jenaýat toparyna” meçew bermekde aýypladylar. Ýanukowiç 2014-nji ýylda häkimiýetden çetleşdirilip, Orsýte gaçdy.
Ukrain häkimiýetleri Saakaşwiliniň protestleriniň Orsýetiň Ukraina garşy dildüwşükleriniň bir bölegidigini aýdýarlar. Saakaşwili bu aýyplamalary ret edýär.
Saakaaşwili 8-nji dekabrda hem tussag edildi we onuň azat edilmegi üçin ýüzlerçe adam proteste çykdy.