Türkmenistanyň Senagatçylar we telekeçiler partiýasynyň 16-njy dekabrda geçirilen ikinji gurultaýynda partiýanyň täze ýolbaşçysy saýlandy.
TDH döwlet habar gullugy partiýa başlyklygyna “Halys” jemgyýetçilik hojalygynyň baş direktory Saparmyrat Owganowyň saýlanandygyny habar berýär.
Senagatçylar we telekeçiler partiýasyna ozal Öwezmämmet Mämmedow ýolbaşçylyk edýärdi.
TDH Senagatçylar we telekeçiler partiýasynyň 2012-nji ýylda, prezidentiň demokratizasiýa we köppartiýaly sistema döretmek ugry esasynda döredilendigini belleýär.