Ukrainanyň harbylary soňky 24 sagadyň içinde gündogar Ukrainada ok atyşygy bes etmek boýunça ylalaşygyň orsýetçi separatistler tarapyndan birnäçe gezek bozulmagy zerarly özüniň üç esgeriniň wepat bolandygyny 18-nji dekabrda habar berdi.
Goranmak ministrliginiň beýanatyna görä, separatistler ok atyşygyň bes edişligini 14 gezek bozupdyr we agyr toplary hem minomýotlary ulanypdyr.
18-nji dekabrda separatistler Ukrainanyň ýaragly güýçleriniň ok atyşygyň bes edişligini 17 gezek bozup, awtomatlary, granata we mina atyjylary, hem-de top oklaryny ulanandygyny aýtdylar.
Kiýewiň harbylarynyň we orsýetçi separatisteriň arasynda 2014-nji ýylyň aprel aýyndan bäri bolan söweşleriň netijesinde 10 300 çemesi adam wepat boldy.
2014-nji ýyyň sentýbarynyň we 2015-nji ýylyň fewral aýynyň arasynda baglaşylan Minsk ylalaşygynyň çäginde ok atyşygy bes etmek barada ençeme ylalaşyk yglan edilipdi.
Ok atyşlygyň soňky bes edişligi 22-nji awgustda Germaniýanyň, Fransiýanyň, Orsýetiň we Ukrainanyň liderleriniň arasynda gelnen ylalaşygyň esasynda yglan edilipdi.