Ýewropa Bileleşigi we Belarus belarus raýatlarynyň EB ýurtlarynyň köpüsine girmegini aňsatlaşdyrjak we arzanlatjak iki ylalaşyga gol çekdi.
Belarusda 8-nji ýanwarda gol çekilen wiza ýeňilligi we gaýtadan kabul ediş missiýasy şertnamalary “ÝB-Belrus gatnaşyklaryndaky möhüm ädim boldy we raýatlaryň hereket mümkinçiligini gowulandyrmaga ýol açar” diýip, Ýewopa Geňeşiniň beýanatynda aýdylýar.
Bu ylalaşyklar güýje girende, wiza tölegi 35 ewro ýa-da 39 dollara çenli azalar, konsullyklaryň wiza bermek kararyna gelmek möhleti gysgalar diýip, beýanatda bellenýär.
Žurnalistler, studentler ýaly ýygy-ýygydan syýahat etmeli bolýan raýatlar bolsa, köp gezeklik we uzak möhletli giriş wizalaryny hem alyp bilerler.
Belaruslar häzir ÝB ýurtlaryna giriş wizasyny almak üçin 60 ýewro ýa-da 67 dollar töleýärler.
Bu töleg fewralda, ÝB wiza kody güýje girende80 ýewro ýa-da 89 dollara çenli ýokarlanar.