Täjigistanyň Döwlet prokuraturasy garaşsyz žurnalist Daler Şarifowyň ekstremizm aýyplamalary esasynda saklanandygyny tassyklady.
Asly duşenbeli žurnalist 28-nji ýanwarda tussaghana ýerleşdirildi.
32 ýaşly Şarifow içerki syýasat barada we täjik resmilerini tankytlap makalalary çap edýärdi.
Baş prokuraturanyň ýaýradan beýanatyna görä, Şarifow 2013-2019-njy ýyllar aralygynda “ekstremizm mazmunly 200-den gowrak makalany” çap edipdir.
Beýanatda Şarifowyň Täjigistanda 2006-njy ýylda gadagan edilen “Musulman Doganlary” topary bilen bagly 100-den gowrak maglumaty hem çap edendigi aýdylýar.
Şarifow günäli tapylsa, oňa bäş ýyla çenli türme tussaglygynyň berilmegi mümkin.
Şarifowyň aýaly 31-nji ýanwarda Azatlyk Radiosynyň Täjik gullugy bilen habarlaşda, polisiýanyň öýlerinde geçirilen gözlegi netijesinde arap dilli ähli kitaplarynyň hem konfiskasiýa edilendigini aýtdy.