Azerbaýjanyň prezidenti Ylham Alyýewiň häkimiýet başyndaky “Täze Azerbaýjan” partiýasy 125 agzalyk bir palatalyk parlamentiniň 64 ornuny almagy başardy diýip, irki geçirilen saýlawlardan gelip gowşan deslapky maglumatlarda aýdylýar.
Merkezi Saýlaw Komissiýasynyň başlygy 10-njy fewralda sesleriň 87%-niň sanalandygyny aýdyp, deslapky netijeleri mälim etdi.
“Täze Azerbaýjýan” partiýasy iş başyndan gidýän parlamentde 65 orna kontrollyk edýärdi.
9-njy fewralda geçirilen saýlawlarda Milli Mejlisiň beýleki orunlaryny almagy başaranlaryň hem aglabasy “Täze Azerbaýjan” partiýasynyň ýöredýän syýasatyny goldaýar.
Ses berilişik mahaly dürli, şol sanda ençeme gezek ses bermek, garaşsyz gözegçilere basyş etmek ýaly bidüzgünçilikleriň bolandygy aýdylýar.
Merkezi Saýlaw Komissiýasynyň maglumatlaryna laýyklykda, saýlawlara ses bermäge hukugy bolanlaryň 47,81%-i gelipdir. Bu ozalky parlament saýlawlaryndaky görkezijilerden 8% töweregi azdyr.
Oppozisiýa partiýalarynyň käbiri, hökümetiň agalyk edýän mediasynda kän adalatly beýan ediş elýeterliliginiň ýokdugyny aýdyp, bu saýlawlardan çeke durdy.
metbugat näme, hökümet näme, habar näme, gybat näme, propaganda näme, adamlar näme üçin hökümetini depesine çykarýar, nädip döwlet başyndakylar uly ogurlyk edýär, bu zatlary hiç zat okamýan, okan zadyna düşünmeýän, öz borjuny bilmeýän, dünýä özüne bergilidir öýdüp, başgalara gaharlanyp ýören adamlara näme düşündirip bolar?
Goç ýigitler her bolsa-da watana, millete şöhta getirip bilýär-ow...