ABŞ hökümeti şu gün öz Halkara Ösüş agentligi arkaly (USAID), Gazagystanyň Energiýa ministrligi bilen bilelikde, “USAID Power Central Asia” ady bilen 39 million dollarlyk sebitleýin energiýa programmasyna başlady diýip, Kazinform neşiri ABŞ-nyň Gazagystandaky ilçihanasyna salgylanyp habar berýär.
Bu programma Merkezi Aziýanyň bäş ýurduna - Gazagystana, Gyrgyzystana, Täjigistana, Türkmenistana we Özbegistana milli energiýa zerurlyklaryny kanagatlandyrmaga, serhetaşa energiýa söwdasyndan ykdysady peýdalary almaga we sebitara baglanyşyk arkaly energiýa howpsuzlygyny ýokarlandyrmaga kömek eder.
Onlaýyn aragatnaşygy esasynda guralan duşuşyga Gazagystanyň energiýa ministriniň orunbasary Kairat Rahimow, USAID-iň Merkezi Aziýa boýunça sebitleýin wekiliniň wezipesini ýerine ýetiriji Piter Ýoung gatnaşdy diýip, habarda aýdylýar.