Täjigistanyň Penjikent sebitiniň Neknot obasynyň ýaşaýjylary 10-njy aprelde Kulak kölüniň golaýynda dört sany jesedi "agaçdan asylan" halda tapdy.
Neknot obasynyň birnäçe ýaşaýjysynyň aýtmagyna görä, bular 32 ýaşly Şahlo Şaripowanyň we onuň üç çagasynyň - 6 ýaşly Muhammetžonyň, 4 ýaşly Şahnozanyň we 8 aýlyk Aminanyň jesetleri bolup çykdy.
Ozodi radiosynyň, Azatlygyň Täjik gullugynyň söhbetdeşleri bu aýalyň ilki çagalaryny asyp, soň bolsa öz janyna kast edendigini gürrüň berdiler.
“Şu gün Neknot Boloda baýramçylyk boldy. Ondan soň bir topar çaga Kulak kölüni görmäge gitdi. Kölüň gapdalynda uly bir baglyk bar, olar alma agajyndan ýaglyk bilen asylan üç çagany we olaryň ejesini gördüler" diýip, ýerli ýaşaýjylaryň biri aýtdy.
Içeri işler ministrliginiň resmi habarynda Neknot obasynyň ýaşaýjysy, 1988-nji ýylda doglan, durmuşa çykan Şahlo Erkinowna Şaripowanyň 2021-nji ýylyň 10-njy aprelinde, öýlän sagat 16 töwereginde, maşgala dawasy sebäpli janlaryna kast etmek üçin, çagalary bilen agzalan obanyň "Bogi Niyoz" diýen ýerine gelip, olary ýaglyk bilen agaçdan asandygy we soň özüni asandygy aýdylýar.
Soňky ýyllarda Täjigistanda garyplyk we öz hossarlary tarapyndan urlup-ýenjilmegi sebäpli birnäçe aýal öz janyna kast etdi. Olaryň birnäçesi öz çagalaryny hem öldürdi.
Tejende wifi gowy işlenok köseýär!.
Bir tarapdan siziň maglumatlaryňyz kimdir birine peýda getirýär, emma beýleki bir tarapdan bolsa zyýan getirýär. Ynha, siziň habarçylaryňyz aldygyna maglumat baryny ugratdylar mekdeplerde okuwçylardan pul ýygnanýanlygy barada. Indi biz mugallymlar okuwçylardan ýygnan 50, 80 manat aralygyndaky pullary yzyna gaýtaryp berdik. Netijede bolsa, öz hasabymyza 4000-5000 manat jübimizden çykaryp, mekdebi remont etmeli bolduk. Eger gaýratyňyz bolsa, bizede ýardam ediň. Biziň tutuş bir aýlyk hakymyzy çagalarymyzyň agzyndan kesip bermäge ýagdaýymyz ýok. Goý, Gorono diýdi, bilim ministrligi diýdi, olar öz hasaplaryna remont etsinler mekdepleri. Ýa-da siziň habarçylaryňyz peşeden pil ýasap, bize zyýan getirmesinler. Bir maşgaladan tutuş ýylyň dowamynda 80 manat bilim alýan ojagyna pul çykarmak ullakan bir çökder zat däl ahbeti. Olaryň käbirleriniň kakasy günde 30-40 manady araga-çilime-de oklap dur. Ýardamyňyzy bize-de ýetiriň. Gaýrat ediň.