ABŞ-nyň kosmos gullugy NASA-nyň habaryna görä, Russiýa öz güýçleriniň Ukrainada basyp alan ýerlerinde takmynan 1 milliard dollarlyk bugdaý ýygnapdyr.
Agentligiň azyk howpsuzlygy programasy bolan "NASA Hasyl" tarapyndan 4-nji dekabrda berlen maglumata görä, emeli hemra suratlary Ukrainadaky basyp alnan ýerlerden takmynan 5,8 million tonna bugdaýyň ýygnalandygyny görkezýär.
Russiýanyň ýygnap äkiden ukrain bugdaýyny soň näme edendigi belli däl, ýöne rus gämileri Ukrainadan alnan bolmagy mümkin gallany Liwiýa, Eýrana we beýleki ýurtlara eksport edýär.