Halkara Gyzyl haç komiteti (HGHK) 8-nji dekabrda beren beýanatynda özüniň soňky hepdelerde Russiýa we Ukraina tarapyndan saklanýan has köp uruş ýesirlerini baryp görendigini, olaryň saklanyş şertlerini gözden geçirendigini hem-de uruş ýesirleriniň maşgalalary bilen “köpden bäri garaşylýan habary” paýlaşandygyny aýtdy.
HGHK bu saparlaryň “möhüm öňe gidişlikdigini” aýtdy, ýöne özüne ähli uruş ýesirlerini päsgelçiliksiz “gaýta-gaýta we şahsy” görmäge rugsat berilmelidigini aýtdy.