ABŞ-nyň prezidenti Jo Baýdeniň administrasiýasy Russiýany Eýrana harby hemaýaty, şol sanda howa hüjüminden goranyş ulgamlaryny, wertolýotlary, harby uçarlary ugratmakda aýyplady.
Munuň Tähranyň rus prezidenti Wladimir Putiniň Ukrainadaky urşuna hemaýat hökmünde, rus goşunyna dronlary ibermeginiň öwezine amal edilýändigi bellenilýär.
Ak Tamyň milli howpsuzlyk boýunça metbugat wekili Jon Kirbi bu iki ýurduň arasyndaky “harby we tehniki goldawyň geriminiň artmagy, olaryň gatnaşyklaryny doly derejeli goranmak hyzmatdaşlygyna öwürýändigini” aýtdy.