Sepleriň elýeterliligi

Soňky habar

Ukrain harbylary: Russiýa uly hüjüme taýýarlanýar


1-nji fewral güni giçlik atylan toplar Kramatorskda azyndan üç adamyň ölmegine we 20 adamyň ýaralanmagyna sebäp boldy.
1-nji fewral güni giçlik atylan toplar Kramatorskda azyndan üç adamyň ölmegine we 20 adamyň ýaralanmagyna sebäp boldy.

Ukrainanyň goşuny rus güýçleriniň gündogarda uly hüjüme taýýarlanýandygyny görkezýän görnetin alamatlarynyň bardygyny aýdýarlar. Moskwa güýçleriniň günde-günaşa üznüksiz topa tutmagyna garamazdan, bu ýerde aýlap dowam edýän söweşlerde ilerleme gazanylmady.

1-nji fewral güni giçlik atylan toplar Kramatorskda azyndan üç adamyň ölmegine we 20 adamyň ýaralanmagyna sebäp boldy.

Donetsk sebitiniň harby administrasiýasynyň başlygy Pawlo Kyrylenko rus raketasynyň Kramatorskdaky ýaşaýyş jaýyna gelip urandygyny aýtdy.

"Duşman işjeň aňtaw işlerini alyp barýar we belli bir ugurlarda hüjüme geçmäge taýýarlanýar" diýip, Ukrainanyň Ýaragly güýçleriniň baş ştabynyň 2-nji fewraldaky gündelik hasabatynda aýdylýar.

"Agyr ýitgi çekmegine garamazdan, ol Liman, Bahmut, Awdiýwka we Nowopawliwka töwereklerinde [Donetsk sebitinde] hüjüm hereketlerini dowam etdirýär" diýip, baş ştab aýtdy.

Prezident Wolodymyr Zelenski 1-nji fewralda öň hatardaky ýagdaýyň has kynlaşandygyny aýtdy.

"Basybalyjylaryň ýurdumyzyň gündogaryndaky frontda edýän hüjüm hereketlerinde belli bir derejedäki işjeňleşme bellige alyndy. Ýagdaý has-da çataklaşdy" diýip, Zelenski agşamky wideo çykyşynda aýtdy.

XS
SM
MD
LG