Gazagystanyň Daşary işler ministrliginiň emeldarlary Russiýanyň kazyýetiniň Arbat.media habar web sahypasynyň redaktorlaryna Russiýanyň Ukrainada alyp barýan urşy barada çap eden makalasy sebäpli iberen çakylygyny ret etdi.
Ministrligiň resmisi 6-njy fewralda Arbat.media habar gullugyna Russiýanyň Wladimir sebitindäki Lenin etrap kazyýetiniň geçen aý çykaran kararynyň "Gazagystanda kanuny güýjüniň ýokdugyny" aýtdy.
Arbat.media geçen hepde rus kazyýetinden redaktorlarynyň 17-nji fewralda Wladimir şäherinde geçiriljek kazyýet seljermesine gatnaşmaklary hakynda buýruk alandygyny aýtdy.
Olar kazyýet seljermesine sentýabr aýynda, “Rus basybalyjylary Harkowdaky ýeňlişi boýun almaýar” diýen at bilen çap eden makalalary sebäpli çagyryldy.