Ermeniler osman imperiýasy döwründe özlerine köpçülikleýin gyrgynçylyk hem basyş edilendigini öňe sürüp, oňa "20-nji asyryň ilkinji etniki gyrgynçylygy" diýip at berýärler. Olar UNESCO-nyň kabul eden karary bilen gadymy ermeni medeni mirasynyň ähmiýetli böleginiň gorag astyna alynmagyna umyt edýärler. Ýöne gadymy Ani şäherine gadam basan mahalyň bolsa, gadymy ermeni medeni mirasynyň şäheriň diwarlarynyň arasynda tutuşlygyna ýitirip gitme howpyna duçar bolandygyny görýärsiň.
Harabaçylyk ýagdaýyndaky ermeni miraslary
2016-njy ýylyň iýul aýynda Türkiýäniň gündogarynda ýerleşýän gadymy ermeni şäheri bolan Ani UNESCO-nyň bütündünýä medeniýet mirasy sanawyna girizilipdir.
5
Gadymy Ani şäheriniň düzlüginde şalaryň mazar ýadygärliginiň galyndylary. Mundan ýüz ýyldan gowrak wagt ozal, haçan-da osman imperiýasy dargamaga başlanda, haçparaz ermeniler haçparaz Rusiýa imperiýasynyň ýarany hasaplanyp, musulman imperiýanyň "bäşinji azlygy" höküminde kabul edilipdir.
6
Ani harabalarynyň gadagan harby araçäkdigini aňladýan könelen duýduryş belligi. Serhediň Türkiýe tarapy harbylardan doly saplanypdyr. Ýöne muňa garamazdan, gadymy Ani şäheriniň käbir ýerine baryp görmek henizem gadagan hasaplanýar.
7
Türkiýe bilen Ermenistany ikä bölýän jülge. 1915-nji ýylda osman impersiýasy ermeni ilatyň "ýurtdan çykarylmagy" barasynda buýruk berenden soň, Türkiýäniň häzirki gündogar sebitiniň ähli ýerinde köpçülikleýin gyryş çäreleri amala aşyrylypdyr.
8
Garaňky düşenden soň gadymy Ani şäherindäki Keramatly Grigori Tigran Honents ybadathanasyna golaýdaky ermeni serhet gözegçilik nokadynyň çykarynyň ýalkymy düşýär. Ermeni-türk serhedi, Ermenistan bilen Azerbaýjanyň arasynda ýüze çykan Daglyk Garabag dartgynlylygy sebäpli 1993-nji ýyldan bärip petikli ýagdaýda.