“Sendi” diýip atlandyrylan tüweleýiň Birleşen Ştatlaryň gündogar ştatlaryna golaýlamagy bilen baglylykda, bu ýerden ýüzleçe müň adam göçürilýär. Güýji her sagatda 120 kilometre ýetýän bu apy-tupanyň kenarýaka giňişliklere, hususan-da Nýu-Jersi ştatyna duşenbe güni giç agşam ýa-da sişenbe güni irden ýetjegi çak edilýär. Günbatar şemalynyň Arktikadan gelýän sowuk howa bilen aralaşmagy netijesinde emele gelmegine garaşylýan apy-tupanyň 60 milliona golaý adama täsir ýetirmeginiň ähtimaldygyny aýdylýar. Ýurduň Demirgazyk Karolina ştatyndan başlap, Konnektikut ştatyna çenli adatdan daşary ýagdaý yglan edildi.