Ukrain harbylary öz güýçleriniň gündogardaky Donetsk şäheriniň aeroportuna, iki tarapyň arasynda sekiz gün ozal baglaşylan ýaraşyga garamazdan, orsýetçi separatistler tarapyndan edilen hüjümi yzyna serpikdirendigini aýdýar.
Şäher häkimiýetleri 13-nji sentýabrda aeroport töwereginden top sesleriniň eşidilendigini habar berdiler.
Donetsk şäheri separatistleriň kontrollugynda, aeroport bolsa hökümet güýçleriniň kontrollugynda ýerleşýär.
Separatistler we hökümet güýçleri bir-birini 5-nji sentýabrda baglaşylan ýaraşygy gaýta-gaýta bozmakda aýyplaýarlar.