Düýbi Parižde ýerleşýän adam hukuklaryny goraýan topar Türkiýä geçen hepde Stambulda tussag edilen täjik oppozision syýasatçysy Umarali Kuwatowyň we onuň üç kärdeşiniň adam hukuklaryna hormat goýmaga çagyrdy.
20-nji dekabrda “Merkezi Aziýanyň Adam hukuklary” boýunça assosiasiýasynyň başlygy Nadežda Ataýewa Türkiýä adam hukuklary boýunça halkara borçnamalaryny ýerine ýetirmäge, dört adamy aklawçylar bilen üpjün etmäge we olary BMG-niň bosgunlar boýunça edarasynyň wekilleri bilen duşuşmagyna rugsat bermäge çagyryş etdi.
19-njy dekabrda tussag edilen Kuwatow türk resmileriniň özüne “oňat garaýandygyny” aýtdy.
Kuwatowyň “Group 24” guramasy 10-njy dekabrda Duşenbede protestleri geçirmäge çagyryş edensoň, ol “ekstremist gurama” diýlip, Täjigistanda gadagan edildi.