Türkmenistanyň «Awaza» milli syýahatçylyk zolagyna gelýän adamlar indiden eýläk öz awtoulaglaryny ýörite duralgalarda goýmaly bolarlar.
Türkmenistanyň prezidenti Gurbanguly Berdimuhamedow anna güni geçiren hökümet maslahatynda «Awaza» dynç alyş zolagynyň çäginde indiden eýläk diňe jemgyýetçilik ulaglarynyň we ýörite ulaglaryň gatnawyna rugsat berilmelidigini, bu ugurda geçirilen işler barada basym özüne hasabat berilmelidigini aýtdy.