Gazagystanyň ozalky premýer-ministri Serik Ahmetow korrupsiýa aýyplamalary esasynda 10 ýyl türme tussaglygyna höküm edildi.
Karagandanyň regional sudy Ahmedowa 11-nji dekabrda, ogurlykda we döwlet býujetini uly möçberde ýalňyş ulanmakda günäli tapylanyndan soň, höküm çykardy.
Dört aý çemesi ozal sud diňlenişigi başlanan Ahmetow özüniň bigünädigini aýtdy.
Ol 9-njy dekabrda sudda sözlän soňky sözünde prezident Nursoltan Nazarbaýewe ýüzlenip, özüniň "korrupsiýa alyp baran geleňsizligini bagyşlamagyny" haýyş etdi.
56 ýaşyndaky Ahmetow Karagandaly bolup, 2012-nji ýylyň sentýabryndan 2014-nji ýylyň apreline çenli premýer-ministr bolup işledi.
Ol geçen ýylyň aprelinde goranmak ministri edilip bellenildi, emma oktýabrda işden çekildi.