Sibiriň sudy Gyrgyzystanyň raýatyny gadagan edilen “Hizb ut-Tahrir” toparyna täze agzalary çekmekde aýyplap, bäş ýyl türme tussaglygyna höküm etdi.
Baş prokuraturanyň Orsýetiň Tuwa regionyndaky edarasynyň 10-njy iýunda aýtmagyna görä, asly Bişkekli Azamat Kasymbek-Uulu bildirilen aýyplamalar boýunça günäli tapylypdyr.
Londonda ýerleşýän sünni yslam guramasy “Hizb ut-Tahrir” ähli musulman ýurtlaryň birleşmegini we Yslam halifatynyň döredilmegini isleýär.
Orsýetiň baş sudy “Hizb ut-Tahriri” 2003-nji ýylda gadagan etdi we guramanyň agzalaryny we tarapdarlaryny “ekstremist” diýip atlandyrdy.
Şeýle-de gurama Gyrgyzystanda we beýleki Merkezi Aziýa ýurtlarynda gadagan edildi.
Gyrgyz häkimiýetleri “Hizb ut-Tahririň” “Al-Kaýdanyň” we “Yslam döwleti” toparynyň söweşijileriniň ýaşlary radikallaşdyrmak we olary Siriýada hem Yrakda söweşlere çekmek boýunça işlerine gatnaşýandygyny aýdýarlar.