Germaniýanyň kansleri Angela Merkel Orsýetiň Ukrainadaky hereketleriniň Günbatar we NATO-nyň Gündogar Ýewropadaky agza ýurtlary bilen özara ynamyna zeper ýetirýändigini aýtdy.
“Eger-de halkara kanunlarynyň güýji we serhetleriň eldegrilmezligi söz we hereket arkaly sorag astyna goýulýan bolsa, elbetde ynam ýitýär”, diýip Merkel 7-nji iýulda Germaniýanyň parlamentinde eden çykyşynda belledi.
Onuň bu çykyşy NATO-nyň 8-9-njy iýulda Warşawada geçirjek sammitiniň öňüsyrasyna gabat geldi. Sammitde Moskwanyň Gündogar Ýewropadaky hereketleri meselesi ýokary derejede maslahat ediler.
Häzirki wagtda NATO-nyň we Orsýetiň özara gatnaşyklary sowuk urşy döwründen bäri iň pes derejesine ýetdi.
Şol bir wagtda-da, Angela Merkel Günbataryň Orsýet bilen dialog alyp barmalydygyny belledi.
NATO we Orsýet 13-nji iýulda NATO-nyň Brusseldäki edarasynda gepleşik geçirmek barada ylalaşdylar.