Şu gün Türkmenistanda çykyp giden deputatlaryň ýerine mejlise deputatlar saýlanýar we döwlet baştutany ilkinjileriň hatarynda saýlaw uçastogyna geldi diýip, TDH habar berýär.
Resmi maglumata görä, Türkmenistanda parlamente täze 7 deputat, halk maslahatynyň agzalygyna 34, geňeşleriň agzalygyna bolsa 122 adam saýlanmaly.
Ýurtda ir sagat 7-de, 163 saýlaw okrugy boýunça 359 saýlaw uçastogynyň gapysynyň açylandygy habar berilýär.
Saýlawlary we sala salyşlyklary geçirmek baradaky merkezi komissiýanyň maglumatyna görä, ir sagat 11-e çenli saýlawçylaryň 50 prosentden gowragy ses berdi.