Türkmenistanyň Merkezi bankynyň «Hazyna» myhmanhanasyny hojalyk jemgyýetine öwürmek teklip edilýär.
Bu barada Ministrler kabinetiniň anna güni geçirilen mejlisinde habar berildi.
Täze hojalyk jemgyýetiniň esaslandyryjylary "ýurduň degişli banklary" bolar.
Şeýle-de hökümet mejlisinde “Türkmenturba” zawodynyň açyk paýdarlar jemgyýetine öwürjekdigi aýdyldy.
Mundanam başga ýurtda, prezidentiň karary bilen, “Türkmenistan” awiakompaniýasy açyk görnüşli paýdarlar jemgyýeti döredildi.
Bu paýdarlar jemgyýeti “Türkmenistan” howa ulaglary kärhanasynyň guramaçylyk-hukuk düzümini kämilleşdirmek bilen, onuň binýadynda “Türkmenhowaýollary” döwlet milli gullugynyň, Aşgabadyň Halkara howa menziliniň we Howa gatnawlarynyň baş gullugynyň paýly gatnaşmagynda emele geldi.