Gazagystanyň öňki prezidentiniň giýewisi, milliarder Timur Kulibaýew Londondaky emläklerinden birini 34,7 million funt sterlinge (43,4 million dollara) satdy diýip, Angliýanyň “Finansal Taýms” gazeti habar berdi.
Bu ýerde gürrüň Bukingem köşgüniň golaýynda, Londonyň abraýly Maýfaýr etrabyndaky Apper-Groswenor köçesinde ýerleşýän 42-nji jaý hakda gürrüň edilýär. Mart aýynyň aýagynda bu jaý “Doýçe Bankyň” gozgalmaýan emläk toparynyň ýörite müdiri Ben Williams tarapyndan esaslandyrylan firmanyň, gozgalmaýan emläklere maýa goýýan “North Wind Capitalyň” eýeçiligine geçdi.
Gazetiň ýazmagyna görä, Kulibaýewiň we “North Wind Capital” firmasynyň wekilleri bu ylalaşyk barada maglumat bermekden ýüz öwürdi.