Lufthansa kompaniýasynyň pilotlary gaýtadan işe başladylar 

Germaniýanyň Lufthansa howaýollarynyň pilotlary gepleşikleri gaýtadan başlamaga razylyk bildirdi we pilotlaryň bir gün dowam eden iş taşlaýyşy togtadyldy. 

Lufthansa howaýollary we pilotlar guramasy tarapyndan ýaýradylan beýanatda, iş taşlaýyşyň gijaniň ýaryndan başlap togtadylanlygy we gepleşikleriň başlanjakdygy aýdylýar.

9-njy marta çenli hiç hili goşmaça aksiýa gurnalmajakdygy hem habar berildi.

Pilotlaryň “Cockpit Association” atly topary Frankfurtyň senagat meseleleri boýunça sudynda iki sagat dowam eden diňlenşikden soňra şeýle karara gelnenligini habar berdi.