Ýanukowiç Ukrainanyň prezidenti hökmünde işe başlaýar
25.02.2010
Öz garşydaşy we premýer-ministr Ýuliýa Timoşenko bilen aralarynda dartgynlylygyň dowam edýän häzirki pursatynda, Wiktor Ýanukowiç ýurduň 4-nji prezidenti hökmünde parlamentde geçiriljek dabarada kasam kabul edip, şu gün wezipesine başlar.
Beýleki myhmanlar bilen bir hatarda bu dabara ÝB-niň daşary syýasat boýunça wekili Katerin Aşton, ABŞ-nyň milli howpsuzlyk boýunça maslahatçysy Jeýms Jones we Orsýetiň parlamentiniň spikeri Boris Gryzlowyň gatnaşjakdygy aýdylýar.
Moskwanyň tarapyny tutýan Ýanukowiç 7-nji fewralda geçirilen saýlawlaryň ikinji tapgyrynda ýeňiş gazanandan soň 2004-nji ýylda geçirilen “Mämişi rewolýusiýanyň” simwoly bolan premýer-ministr Ýuliýa Timoşenkony wezipesinden çekilmäge çagyrypdy.