Ramadiniň bosgunlary Bagdada barýar
Müňlerçe yrakly 21-nji maýda Bzebiz köprüsinden geçip, Bagdada tarap ugrady. Munuň öňüsyrasynda hökümet adamlaryň şähere barmagyna girizen çäklendirmelerini gowşatdy. 15-nji maýda "Yslam döwletiniň" söweşijileri Ramadi şäherini basyp alansoň, bu ýerden gaçyp çykan 40 müňden gowrak adam gaçybatalga gözleýär. Yragyň häkimiýetleriniň olaryň Bagdada barmagyna rugsat bermänligi üçin köp adam açyk meýdanda galypdy. Hökümet bosgunlaryň arasynda YD-nyň adamlarynyň bolmagyndan howatyrlanýar. (AP)