Sepleriň elýeterliligi

Soňky habar

Eýrandaky proteslerde öldürilen Neda «Ýylyň şahsyýeti» diýlip atlandyryldy


Şu gün Britaniýanyň «The Times» gazýeti şu ýylyň iýun aýynda Tährandaky protest çykyşlarynda atylyp öldürilen eýranly zenan Neda Agha-Soltany «Ýylyň şahsyýeti» diýip atlandyrdy.

«The Times» gazeti Eýrandaky prezidentlik saýlawlaryna protest bildirilip geçirilen demonstrasiýada öldürilen 26 ýaşly Neda Agha-Soltanyň eden-etdiliklere garşy duramaklygyň simwolyna öwrülendigini aýdýar.

Hanym Agha-Soltanyň gana boýalan ölüm pursatyndaky suraty şonda internet we beýleki habar serişdeleri arkaly tutuş dünýä ýaýrapdy.

«The Times» gazetiniň bu baradaky makalasynda Neda Agha-Soltanyň şahsyýetiniň Eýranyň režiminiň zalymlygyny hem-de ýurduň oppozisiýasynyň gahrymançylygyny görkezýän özboluşly simwola öwrülendigi aýdylýar.
XS
SM
MD
LG