Owgan partlamalarynda bäş daşary ýurtly esger öldi

NATO günorta Owganystanda ýol ýakasynda partlan bombanyň amerikan harbylarynyň dördüsini öldürendigini aýdýar. NATO-nyň ýolbaşçylygyndaky halkara güýçleri bu wakanyň jikme-jikligi barada häzirlikçe maglumat bermedi.

Bu Amerikanyň Owganystandaky duşmançylykly hereketlerden şu ýylda çeken ilkinji ýitgisidir. Britaniýanyň Goranmak ministrligi ýekşenbe güni Helmand welaýatynda bolan partlamada ýaralanan britan esgeriniň aradan çykandygyny aýtdy.