Pentagon ABŞ-nyň mundan beýläk Owganystanda hiç bir türmäni dolandyrmaýandygyny aýtdy. Pentagonyň metbugat-wekiliniň 10-njy dekabrda habar bermegine görä, Parwan tussag merkeziniň soňky üç bendisi ABŞ-nyň türmesinden boşadylypdyr.
Pentagonyň resmisi ABŞ-nyň Goranmak departamentiniň Owganystanda mundan beýläk tussaghana saklamaýandygyny we ähli türmelere owgan hökümetiniň jogapkärdigini belledi.
Bu mesele şu ýylyň dowamynda ABŞ-nyň aladalanmalary bilen baglylykda çylşyrymlaşypdy. Waşington Owganystanyň türmelerinden boşadylýan “Talyban” söweşijileriniň ýene-de söweş meýdanlaryna dolanmagyndan howatyrlanýar.