Ýewropa Bileleşiginiň liderleri Ukrainanyň gündogarynda söweşleriň güýçlenmegine degerli jogap bermek, şol sanda Orsýete garşy täze sanksiýalary girzmek meselesine seretmegi daşary işler ministrlerine tabşyrdylar. Daşary işler ministrleriniň duşuşygy 29-njy ýanwarda Brusselde geçiriler.
Ýewropa Bileleşiginiň liderleri bilelikdäki beýannamasynda “separatistlere Orsýet tarapyndan berilýän kömegiň dowam edýändigiň we güýçlenýändiginiň tassyklanmagyna ünsi çekdiler we agzalan kömegiň Orsýetiň jogapkärçiligini güýçlendirýändigini bellediler.
Şeýle-de beýannamada Orsýetiň separatistleriň hereketlerini ýazgarmalydygy aýdylýar we 2014-nji ýylyň sentýabr aýynda Minskde gelnen ylalaşygy berjaý etmäge çagyryş edilýär.
Şol bir wagtyň özünde-de Ukrainanyň harbylarynyň metbugat-wekiliniň 27-nji ýanwarda aýtmagyna görä, Ukrainanyň gündogarynda 24 sagadyň dowamynda hökümet güýçleriniň dokuz sany esgeri wepat bolupdyr we 29 harby ýaralanypdyr.