Pakistanyň prezidenti Mamnun Hüseýin (Mamnoon Hussain) özüniň hytaý kärdeşi Sin Jinping (Xi Jinping) bilen geçiren duşuşygynyň dowamynda Pakistany we Hytaýy “demir doganlar” diýip häsiýetlendirdi.
2-nji sentýabrda Pekinde geçirilen gepleşikleriň çäginde çykyş eden Hüseýn “Zarb-e-Azb” diýlip atlandyrylýan terrorçylyga garşy operasiýalar “biziň ýurdumyzdan terrorizmi kökünden ýok etmekde örän üstünlikli boldy” diýdi.
Hüseýiniň pikirine görä, “Gündogar Türküstan Yslam hereketiniň” (GTYH) tas ähli agzasy Pakistandan çykarylypdyr. “Eger-de olaryň käbirleri bar bolsa-da, onda olaryň sany gaty azdyr” diýip, Hüseýin belledi.
“Gündogar Türküstan Yslam hereketi” Pekiniň ýurduň Sinjiang regionyndaky kontrollygyna garşy çykyş edýär. Bu regionda türk musulman uýgurlarynyň azlygy ýaşaýar.