Birleşen Milletler Guramasynyň Çaglar fondy (UNICEF) Ýakyn Gündogardaky konfliktiň 13,7 million çagany bilim almakdan mahrum edýändigini aýdýar.
UNICEF-iň 3-nji sentýabrda ýaýradan raportynda bu görkezijiniň Siriýadaky, Yrakdaky, Ýemendäki, Liwiýadaky we Sudandaky mekdep ýaşly çagalaryň 40%-i çemesini öz içine alýandygy bellenilýär.
Şeýle-de, hasabatda konfliktleriň geriminiň güýçlenmegi netijesinde, öňümizdäki aýlarda bu görkezijiniň 50%-e çenli artyp biljekdigi hem nygtalýar.
“Bilim ot astynda” ady bilen ýaýradylan bu raportda Siriýadaky, Yrakdaky, Ýemendäki we Liwiýadaky 9 müňe golaý mekdebiň ulanyşdan galandygy mälim edilýär.
2014-nji ýylda UNICEF Siriýadaky, Yrakdaky, Liwiýadaky, Palestinanyň territoriýalaryndaky, Sudandaky we Ýemendäki mekdeplere 214 hüjümiň edilendigini hasaba aldy.