Birleşen Ştatlaryň döwlet sekretary Jon Kerri Siriýanyň prezidenti Başar al-Assad iş başyndan gitmeli, emma munuň wagty gepleşikler arkaly maslahatlaşylyp biler diýdi.
Kerri 19-njy sentýabrda, Londonda Britaniýanyň daşary işler sekretary Filip Hammond bilen geçiren gepleşiklerinden soň çykyp gepledi.
Ol Orsýeti we Eýrany öz täsirlerini ulanmaga hem-de Assady gepleşige yrmaga çagyrdy.
Ol dört ýyllyk graždan urşuny we Siriýanyň barha ýaramazlaşýan bosgun krizisini soňlamak üçin syýasy çözgüt tapmak tagallalaryny täzelemegiň zerurdygyny nygtady.