Prezident Gurbanguly Berdimuhamedow 24-nji sentýabrda, türkmen delegasiýasynyň baştutanlygynda, BMG-niň Baş Assambleýasynyň 70-nji ýubileý sessiýasyna gatnaşmak üçin, iş sapary bilen Nýu-Ýorka ugrady.
Türkmen metbugaty prezident Berdimuhamedowyň sessiýanyň çäginde, 2015-nji ýyldan soňky döwürde durnukly ösüş wezipelerine bagyşlanan sammite hem gatnaşjakdygyny ýazýar. Bu sammit 25-27-nji sentýabrda geçiriler.