BMG-niň 25-nji sentýabrda çap eden maglumatyna görä, «Yslam döwleti» jeňçi topary Owganystanda ornaşýar.
Hasabatda «Yslam döwleti» toparynyň Owganystandaky tarapdarlarynyň köpelýändigi, ýurduň 34 welaýatynyň 25-sinde bu topara eýerijileriň toplanylýandygy aýdylýar.
«Owganystanyň bir topar welaýatynda bu topara ygrarlydyklaryny ýa-da «Yslam döwletine» simpatiýalaryny açyk jar edýän toparlaryň hem adamlaryň sanynyň köpelmegi dowam edýär» diýip, hasabatda aýdylýar.
Şeýle-de hasabatda YD jeňçisi Abdul Rauf Hademiň ady getirilýär, ol ozal talyban lideri Molla Mohammad Omaryň geňeşçisi bolan adam.
Abdul Rauf Hademiň Helmand we Farah welaýatlarynda öz toparyny döredendigi aýdylýar.