Orsýetiň hökümeti Türkiýe bilen planlaşdyrylan gaz geçiriji ylalaşygy boýunça hökümetara şertnamasynyň taslamasyny taýýarlaýar.
Gazpromyň başlygy Alekseý Miller 7-nji oktýabrda žurnalistlere «Türk akymy» proekti boýunça şertnamanyň üstünde işleýändigini aýtdy.
Şeýle-de ol Ankaranyň rus uçarlarynyň türk howa giňişligine aralaşmagy bilen bagly gahary bu şertnama zyýan ýetirer öýmeýändigini aýtdy.
Orsýetiň energiýa ministri Aleksandr Nowak hepde ahyrynda Stambulda žurnalistlere bu şertnama Türkiýäniň 1-nji noýabrda geçjek saýlawlaryndan soň, täze ýyla geçilmän gol çekiljegini aýtdy.
«Türk akymy» geçirijisi Orsýetden Türkiýä, Gara deňziň astyndan çekilip, türk-grek serhedine we ol ýerden hem, eger grek hökümeti rugsat berse, günorta Ýewropa uzar.