Siriýanyň Aleppo şäheriniň golaýynda eýranly generalyň öldürilendigi habar berilýär.
Liwanda ýerleşýän al-Mayadeen telewideniýesiniň 9-njy oktýabrda beren maglumatyna görä, Eýranyň Rewolýusion Gwardiýasynyň generaly Hussein Hamedani Siriýanyň goşunynyň geňeşçisi bolup işleýän wagtynda 7-nji oktýabrda öldürilipdir.
Eýranyň Rewolýusion Gwardiýasy Hamedaniniň Alleppo regionynyň demirgazyk böleginde ölendigini tassyklady.
Eýran Siriýanyň prezidenti Başar al-Assadyň ynamdar ýarany bolup, ýurduň geňeşçileri Siriýanyň goşunyna gozgalaňçylara garşy söweşmäge ýardam berýärler.