Sepleriň elýeterliligi

Soňky habar

Özbegistan “YD” söweşijisini höküm etdi


Özbegistanyň sudy ýaş özbegistanlyny Siriýada “Yslam döwleti” atly toparyň jeňçileriniň hatarynda söweşmekde aýyplap, 13 ýyl türme tussaglygyna höküm etdi.

13-nji noýabrda Özbegistanyň Ýokary sudy 23 ýaşyndaky Muhammad Abdullaýewiň öz günäsini boýun alandygyny mälim etdi. Şeýle-de, maglumatda onuň 2013-nji ýylda Orsýetiň Astrahan sebitinde “Yslam döwleti” atly toparyň tarapdarlary tarapyndan hakyna tutulandygyny hem-de Azerbaýjanyň we Türkiýäniň üsti bilen Siriýa ugradylandygyny boýun alandygy bellenilýär.

Abdullaýew Özbegistana dolanyp, tussag edilmezden ozal Türkiýede bir ýyl ýaşaýar.

10-njy noýabrda Orsýetiň baş prokurory Ýuriý Çaýka Ýakyn Gündogardaky “Yslam döwleti” atly toparyň söweşijileriniň hatarynda dünýäniň 10 ýurdundan, şol sanda Orsýetden we öňki sowet ýurtlaryndan baran raýatlaryň söweşýändigini aýtdy.

XS
SM
MD
LG