Müňlerçe moldowan paýtagt Kişinýowa toplanyp, täze bellenen hökümetiň işden çekilmegini we irki saýlawlaryň geçirilmegini talap edýär.
Protestler iki sany orsýetçi partiýa we ýewropaçy anti-korrupsiýa hereket tarapyndan gurnaldy. Hökümete tarapdarlaryň planlaşdyran garşylykly demonstrasiýasy bolsa, çaknyşyk bolmazlygy üçin, goýbolsun edildi.
20-nji ýanwarda Pawel Filip premýer-ministr bellenenden soň, moldowanlaryň köpüsiniň pikirine görä, çuň korrupsiýa batan syýasy gatlak ýokary galdy we bu ýagdaý jemgyýetçilik gahar-gazabynyň möwjemegine getirdi.
Dolandyryjy Demokratik partiýanyň agzasy bolan Filip, köpleriň pikirine görä, gapma-garşylykly oligarh Wlad Plahotniugyň täsirindäki adam bolup durýar.
Emma ABŞ, ÝB we Moldowanyň ýakyn ýarany Ruminiýa täze hökümet bilen işleşjekdigini aýdýar we Ýewropa Bileleşigine tarapdar reformalaryň durmuşa geçirilmegine çagyrýar.