Siriýada hökümetiň gözegçiligindäki Homs şäherde bolan goşa partlamada 22 adam wepat boldy we 100-den gowrak adam ýaralandy, diýip Siriýanyň döwlet telewideniýesi habar berdi.
Homsyň häkiminiň aýtmagyna görä, 26-njy ýanwarda bolan hüjümde içi bombaly ulag barlag-geçiş nokadyna zarba urupdyr. Media maglumatlarynda janyndan geçen hüjümçiniň egnindäki keltekçesini partladandygy aýdylýar.
Liwanda ýerleşýän “Al-Mayadeen” telewideniýesi partlamanyň bolan ýerinde weýran bolan jaýlary görkezdi.
Homs Siriýanyň iň uly şäherleriniň biri bolup, 2012-nji ýylda hökümete garşy çykypdy. Şondan bäri hökümet güýçleri söweşijileriň köpüsini şäherden gysyp çykardylar.