Germaniýanyň Bawariýa regionynda iki ýolagçy otlusy çaknyşyp, azyndan sekiz adamyň ölümine sebäp boldy.
Polisiýanyň aýtmagyna görä, 9-njy fewralda irden iki regional otlusynyň bir ýolda biri-birine gabat gelip çaknyşmagy zerarly 150 adam ýaralanypdyr.
German mediasy bir otlynyň çaknyşykda ýoldan çykyp, birnäçe wagonyň agdarylandygyny habar berdi.
Käbir adamlaryň ýumrulan wagonlaryň içinde galýandygy aýdyldy.
Demirýol heläkçiligi Munhenden 60 kilometr uzaklykda Bad Aibling şäherçesiniň golaýynda boldy.
Onuň sebäpleri entek anyklanmady.