Germaniýanyň daşary işler ministri Frank-Walter Steinmeiýer paýtagt Duşenbede Täjigistanyň prezidenti Emomali Rahmon bilen duşuşdy.
Häzir Ýewropada Howpsuzlyk we Hyzmatdaşlyk guramasyna hem başlyklyk edýän Steinmeiýer Täjigistana Gyrgyzystandan, 1-nji aprelde geldi.
Rahmonyň metbugat gullugynyň maglumatyna görä, iki lider täjik-german gatnaşyklary barada, şonuň ýaly-da ÝHHG-nyň işi we öz ýurtlarynyň bu guramadaky roly barada gepleşdi.
Steinmeiýer 31-nji martda gyrgyz prezidenti Almazbek Atambaýew bilen gepleşik geçirdi. Olar regional we halkara meseleler, şol sanda ÝHHG-nyň Gyrgyzystanda demokratik guramalary gurmakda oýnaýan roly barada maslahat etdiler.
Steinmeiýer Özbegistana hem sapar etdi we Merkezi Aziýany global durnuklylyga uly töwekgellikleri bolan strategik ähmiýetli region hökmünde häsiýetlendirdi.