Türkmenistanyň prezidenti öz ýurdunuň Hytaý bilen ykdysady partnýorlygyny ýaýbaňlandyrmak üçin ýörite programmany işläp düzmegi tabşyrdy.
Türkmen hökümetiniň sişenbe günki beýannamasyna görä, iki ýurduň arasyndaky söwda-ykdysady hyzmatdaşlyk boýunça komitetiniň çäginde taýýarlanmagy teklip edilýän programmada energetika, transport, ösen tehnologiýalar boýunça aragatnaşyklara esasy üns beriler.
Bu mesele Türkmenistanyň we Hytaýyň hyzmatdaşlyk boýunça hökümetara komitetiniň ýanyndaky söwda-ykdysady hyzmatdaşlyk boýunça komitetiniň hepdäniň başynda Aşgabatda geçirilen dördünji maslahatynda gozgaldy.
Hytaý Türkmenistanyň esasy söwda partnýory we türkmen gazynyň esasy hyrydarydyr. Halkara Walýuta Fondunyň maglumatyna görä, 2014-nji ýylda Türkmenistanyň Hytaýa eksportynyň möçberi 8,65 milliard amerikan dollaryna barabar bolupdyr.
2009-njy ýylda işe girizilen umumy bahasy 6,5 milliard dollarlyk Türkmenistan-Hytaý gazgeçirijisi ýylda 40 milliard kubometr gazy geçirmäge ukyply.