Türkiýäniň howpsuzlyk resmileri ýurduň günorta-gündogarynda bolan partlamada üç türk esgeriniň wepat bolandygyny we onusynyň ýaralanandygyny aýtdylar.
Türkiýäniň demirgazyk Yrak bilen serhediniň golaýynda 10-njy awgustda bolan partlama Sirnak welaýatynyň Uludere etrabynda emele geldi.
Howpsuzlyk resmileri elde ýasalan bombanyň ýoluň gyrasynda goýlup, harby ulagyň duşundan geçen wagtynda partlandygyny habar berdiler, şeýle-de bu hüjümi gadagan edilen “Kürdüstanyň işçi partiýasynyň” (PKK) söweşijileriniň amala aşyrandygyny aýtdy.
Türkiýe we ABŞ PKK-ny terrorçy diýip yglan etdi.
Türkiýäniň günorta-gündogary 2015-nji ýylda PKK ok atyşygy bes etmekden ýüz öwürensoň soňky 20 ýylyň dowamyndaky iň güýçli zorluklary başdan geçirýär.