ABŞ-nyň ýolbaşçylygyndaky koalisiýanyň uruş uçarlary Siriýada «Yslam döwleti» toparynyň 168 sany nebit tankerini weýran etdi.
Bu koalisiýanyň şeýle görnüşli zarbalarynyň iň ulusy boldy diýip, 9-njy dekabrdaky habarda aýdylýar.
Koalisiýanyň maglumatyna görä, bu zarbalar Palmiranyň golaýyndaky ýük maşynlarynyň kerwenine uruldy we «Yslam döwleti» toparynyň jeňçileriniň ogurlyk nebitiň söwdasyndan aljak 2 million dollar çemesi girdejisine zyýan ýetirdi.
YD köp derejede bikanun satýan nebitinden alýan girdejisine bil baglaýar diýip bilinýär.