Siriýa parahatçylyk gepleşikleriniň indiki tapgyry 12-13-nji iýunda gazak paýtagty Astanada geçiriler diýip, rus habar gulluklary Siriýanyň Moskwadaky ilçisiniň 3-nji iýunda aýdan sözlerine salgylanyp habar berdiler.
"Biz Gazagystandaky gepleşiklere gatnaşmak barada çakylyk aldyk, ol12-13-nji iýunda geçer” diýip, RIA ilçi Riad Haddadyň sözlerini sitirledi.
Emma muňa garamazdan, oppozisiýa entek bu gepleşiklere gatnaşyp-gatnaşmajagy barada belli karara gelenok diýip, Siriýa oppozisiýanyň wekili Ýahýa al-Aridi 3-nji iýunda TASS habar gullugyna aýtdy.
Astanada geçen aý geçirilen gepleşikler tapgyrynyň soňunda Türkiýe, Orsýet we Eýran 4-nji maýda Siriýada howpsuz zona döretmeklige çagyrýan jarnama gol çekdiler. Emma Siriýa oppozisiýasynyň käbir wekilleri bu gepleşiklerden çykyp gitdi.