Sepleriň elýeterliligi

Soňky habar

Eýranly alym wizasyna garamazdan Bostonyň aeroportunda tussag edildi


ABŞ-nyň Eýrandaky ilçihanasynyň wizasy
ABŞ-nyň Eýrandaky ilçihanasynyň wizasy

Rak keseli boýunça eýranly alym Boston şäheriniň abraýly keselhanasynda işlemek üçin ABŞ baranda halkara aeroportunda saklandy diýip, Bostonyň keselhanasy 11-nji iýulda habar berdi.

Bostonyň çagalar keselhanasy Mohsen Dehnawiniň alymlaryň ABŞ barmagy üçin niýetlenen J-1 wizasynyň bolmagyna garamazdan, öz aýaly we üç ýaş çagasy bilen bilelikde tutulandygyny habar berdi.

Olar Bostona 10-njy iýulda barypdyr. 11-nji iýulda ABŞ-nyň resmileri Dehnawiniň maşgalasy bilen bilelikde Eýrana yzyna barýan uçara mündürlendigini aýtdylar.

“Bostonyň çagalar keselhanasy bu ýagdaýyň tizden-tiz çözüljegine we doktor Dehnawiniň hem onuň maşgalasynyň boşadylyp, Birleşen Ştatlara goýberilmegine rugsat beriljegini umyt edýär” diýip, keselhananyň metbugat-wekili Rob Graham aýtdy.

ABŞ-nyň Gümrük we serhet gözegçiligi boýunça gullugynyň metbugat-wekili Stefanie Malin Dehnawi maşgalasynyň tussag edilmeginiň sebäbiniň prezident Donald Trampyň esasan musulman ilatly alty ýurduň, şol sanda Eýranyň raýatlarynyň ABŞ syýahat etmegine girizen wagtlaýyn gadagançylygy bilen “bagly däldigini” aýtdy.

XS
SM
MD
LG