Türkmenistanyň göreş boýunça ýaşlaryň ýygyndy komandasy Eýranda geçirilen ýaryşda 9 medal gazandy.
Türkmen metbugatyna görä, 11 ýurduň 110 sportsmeniniň gatnaşmagyndaky ýaryşda türkmen pälwanlary bir altyn, bir kümüş we ýedi sany bürünç medal gazanypdyr, şeýle-de toparlaryň arasynda umumy hasapda üçünji orun eýeläpdir.
Türkmenistan üçin altyn medaly 60 kilogram agramly sportsmenleriň arasynda ýaryşan Şamuhammed Gurbanow gazandy. Atabeg Begmyradow kümüş medal gazandy.
Göreş 17-27-nji sentýabrda Aşgabatda geçiriljek Aziada-2017 halkara sport bäsdeşliginiň programmasyna girýär.